അവള്‍ അനന്തമായ ആകാശത്തേക്കു കൈകളുയര്‍ത്തി
സ്വപ്നത്തിനപ്പുറം ഭൂമിയോട് പറ്റിച്ചേര്‍ന്നു കിടന്നു
വിഷാദത്തിന്റെ വെളുത്തപൂവ്
തിരയടങ്ങിയ സമുദ്രങ്ങള്‍
ഊര്‍മിളയുടെ നിശ്വാസങ്ങള്‍
വെന്ത മണല്‍ പരപ്പുകള്‍
ശാന്തി.
ചിരി, ഉന്മാദത്തിന്റെ ചുവന്നപൂവുകള്‍.
രകതം ഉണങ്ങിപ്പിടിച്ച കാളക്കൊമ്പ്
മെഡൂസയുടെ സ്വര്‍ണമുടിയിഴകള്‍
അമാവാസി
മനുഷ്യനെയും ദൈവത്തെയും
സ്പര്‍ശിക്കാത്തൊരു ചിരി
അവര്‍ക്കിടയിലൂടെ കടന്നുപോയി
ദുരിതപര്‍വം കടന്നെത്തിയ
വാര്‍ദ്ധക്യത്തിന്റെ നെറ്റിത്തടത്തില്‍
ഉരുകിയുണങ്ങിയ കര്‍പ്പൂരക്കല.
അയാളവളെ തന്നോടുചേര്‍ത്തു
ഘനീഭവിച്ചുപോയ മൌനത്തിന്
കണ്ണുനീരിന്റെ വ്യാഖ്യാനങ്ങളൊന്നും
ആവശ്യമില്ലായിരുന്നു.
ശ് ശ് ശ് അനങ്ങരുത്, ഒച്ചവയ്ക്കരുത്
അവള്‍ അന്ധമായി സ്നേഹിക്കപ്പെടുന്ന
ഈ നിമിഷത്തിലെങ്കിലും നിങ്ങള്‍ ശബ്ദിക്കരുത്.
സ്വപ്നത്തിനപ്പുറം ഭൂമിയോട് പറ്റിച്ചേര്‍ന്നു കിടന്നു
വിഷാദത്തിന്റെ വെളുത്തപൂവ്
തിരയടങ്ങിയ സമുദ്രങ്ങള്‍
ഊര്‍മിളയുടെ നിശ്വാസങ്ങള്‍
വെന്ത മണല്‍ പരപ്പുകള്‍
ശാന്തി.
ചിരി, ഉന്മാദത്തിന്റെ ചുവന്നപൂവുകള്‍.
രകതം ഉണങ്ങിപ്പിടിച്ച കാളക്കൊമ്പ്
മെഡൂസയുടെ സ്വര്‍ണമുടിയിഴകള്‍
അമാവാസി
മനുഷ്യനെയും ദൈവത്തെയും
സ്പര്‍ശിക്കാത്തൊരു ചിരി
അവര്‍ക്കിടയിലൂടെ കടന്നുപോയി
ദുരിതപര്‍വം കടന്നെത്തിയ
വാര്‍ദ്ധക്യത്തിന്റെ നെറ്റിത്തടത്തില്‍
ഉരുകിയുണങ്ങിയ കര്‍പ്പൂരക്കല.
അയാളവളെ തന്നോടുചേര്‍ത്തു
ഘനീഭവിച്ചുപോയ മൌനത്തിന്
കണ്ണുനീരിന്റെ വ്യാഖ്യാനങ്ങളൊന്നും
ആവശ്യമില്ലായിരുന്നു.
ശ് ശ് ശ് അനങ്ങരുത്, ഒച്ചവയ്ക്കരുത്
അവള്‍ അന്ധമായി സ്നേഹിക്കപ്പെടുന്ന
ഈ നിമിഷത്തിലെങ്കിലും നിങ്ങള്‍ ശബ്ദിക്കരുത്.
